Бизде сиздер үчүн сонун жаңылык бар! Биз “3.2.1-Старт!” долбоорун 2 сезонун ишке киргизип жатабыз! Бул жолу бир гана Чүй облусунан жана Бишкек шаарынан келген катышуучулар үчүн эмес, Кыргызстандын булуң – бурчунан келген бардык жаш ишкерлер үчүн! Эскерте кетсек, бул программа жаштар арасында социалдык ишкердикти өнүктүрүүгө жана экология жана климаттык көйгөйлөрдүн инновациялык чечимдерин колдоого багытталган.

“3.2.1 – Старт!” Жаштарды ЖӨИнин 6 багыт боюнча туруктуу өнүгүү максаттарына жетүү үчүн тартат:
№6 «Таза суу жана санитария»
№7 “Жеткиликтүү жана таза энергия”
№8 Татыктуу эмгек жана экономикалык өсүш
№13 Климаттын өзгөрүшү менен күрөшүү
№14 «Деңиз экосистемаларын сактоо»
№15 «Жер үстүндөгү экосистемаларды сактоо»

Бул долбоор Жаштарды Өнүктүрүү Институту тарабынан Кока-Кола Фондунун колдоосу менен жана Coca-Cola Bishkek Bottlers менен биргеликте ишке ашырылууда.

Тандоо турунун жыйынтыгы боюнча ” 3.2.1-Старт!”92 арыз берилген, алардын ичинен көз карандысыз калыстар тобу тарабынан тандалган 30 команда гана жарым финалга чыгып, Ысык-Көлдө “BOOTCAMP” аттуу 4 күндүк окутуу лагеринен өтүүгө мүмкүнчүлүк алышкан. Көчмө иш-чаранын жүрүшүндө катышуучуларга жатакана, тамак-аш жана транспорт толугу менен камсыздалды. Бул лагерге командалардын менторлору, ошондой эле эксперттер чакырылган. Тренингдин жүрүшүндө “3.2.1-Старт!”экология, бизнес, маркетинг, брендинг, ой жүгүртүү, юриспруденция жана башка темалар боюнча баалуу билимдерди жана консультацияларды алышты.